Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Владимир Фалалеев: "Тывада чурттап чоруурумга чоргаарланыр мен"

2 мая 2024
7

Тываның Баштыңы Владислав Ховалыг «Водоканал-сервис» КХН-ниң чиңгине директору Владимир Фалалеевке «Тыва Республиканың мурнунга ачы-хавыязы дээш» Тыва Республиканың медалын тывыскан.

Билдингир ажыл-ишчи Владимир Александрович Фалалеев «Суг дамчыдылга-канализация системалары» КХН-ни дыка хөй чылдарда удуртуп чоруур. Суг хандырылгазын, суг аңгылаарын база ол ышкаш бойдус камгалалын чорудуп турар чаңгыс бүдүрүлге чылда-ла 5 млн кубометр суг-биле хандырып, 7 млн куб метр сугну арыглааш, дамчыдып турар. Владимир Фалаеевтиң коммунал ажыл-агыйының чугула адырын хөй чылдарда удурткан байлак арга-дуржулгазы Тываның Баштыңының амыдырал-хандыралга айтырыгларының талазы-биле бирги оралакчызы, республиканың тудуг сайыды албан дужаалдарга томуйлаарынга чугула херек апарган турган.

Сөөлзүредир Владимир Александрович төрээн коллективинге эглип келгеш, республиканың амыдырал-хандырылга структуразында бүдүрүлгениң ажылын улаштыр сайзырадырынга үлүүн киирип чоруур.

"Тывада чурттап чоруурумга чоргаарланыр мен. Республикавыстың хөгжүлде сайзыралы дээш, силер-биле кады амыдырап, ажылдап чору мен – деп, хүндүлүг шаңналды алган соонда Фалалеев чугаалаан. – Бистиң республиканың шупту чурттакчыларынга чечектелиишкинни, өөрүшкүнү күзедим. Бөгүн эң-не мурнуку шугумда чоруур оолдар – бистиң ажы-төлүвүс, уйнуктарывыс – республикавысче, аал-оранынче шупту чанып келирин күзедим. Бедик шаңнал дээш четтирдим, ол дээрге хүннүң-не, хүннүң 24 шагында, чылдың 365 хонуунда ажылдап чоруур бистиң коллектививисте кижилерниң ажылынга 100 хуу бедик үнелел-дир".

ТР-ниң Чазааның медээлеринден.