Ёзу-чаңчылдар

Оол уругнуң орланы дээре. Чайның изиинге, кыштың соогунга дадыккан оол шыдамык кижи болур.
Эки аът ээзин байыдар, Экер оол чонун алдаржыдар.
Ээн черге хонарындан коргар оол эр адын оскунар.
Оол уруг өгнү өглеп, тип билир болур.
Аваангыр, тудунгур болур. Шүшпең оол хырнын безин тоттуруп албас болур.
Оол уругнуң холу дыңзыг болур.
Эки аът орукка өлүр, эки эр эзер кырынга өлүр.
Оол уруг кээргээчел болур, а чудурук дөгээр оол аксын ашкан аш бөрүге дөмей.
Хөөмейлээр оолдуң чанынга кыстар чыглыр.

/ М.Б. Кенин-Лопсанның “Тыва чоннуң бурунгу ужурлары” деп номундан.
“Шын” №18 2026 чылдың май 14
"Шын" солуннуң МАХ-каналынга каттыжыңар max.ru/join/egenQ...