Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Бүгү чүүлдү — фронтуга.

18 января 2023
4

Тываның буян сеткилдиг чурттакчыларының бистиң республикавыстан тускай шериг операциязында киржип турар дайынчыларга чыгган эт-хөреңгизин «Деткимче» фондузу Чаңгыс аай штабче чоргузуп турар.
Бо чылдың эгезинден тура 29 шериг эт-сеп суккан үүргелерни алган. Ында ажылчын организацияларның, «Деткимче» база «Ава» фондуларның шилчиткени бирги хереглелдиң чүүлдерин, эт-септи болгаш техниктиг дериг-херекселдерни четчелээн.

Тускай шериг операциязының эгезинден тура фондуларда чыгдынган акша-хөреңги-биле 55-ки мотоадыгжы бригаданың, 74-кү болгаш 34-кү бригадаларның, республикадан барган Росгвардияның Тыва Республика талазы-биле эргелелиниң дайынчыларын, мөөңнеттинген хамаатыларны болгаш эки турачыларга 44 сая рубль акшага шериг идик-хепти, харылзааның тускай дериин саткаш, чоруткан. Шериг албанныгларга 55 квадрокоптерни (11 сая рубль), 26 дүнеки хараалды (1,3 сая рубль), 51 тепловизорну (12,7 сая рубль), 300 рацияны (750 000рубль), дажып чоруур 306 окталга херекселин (918 000 рубль), 8 дизельдиг генераторну (2,4 сая рубль) болгаш өске-даа дериг-херекселди саткаш, дамчыткан.

Ук ажыл-хемчеглерге бригадаларның удуртулгазы, шериг оолдар боттары, а ол ышкаш «Кара ирбиш» шериг акы-дуңмашкы организациязы идепкейлиг киржип турар.

Росгвардияның Тыва Республика талазы-биле каттышкан тускай отрядынга 1702947 рубль ниити түңге барааннарны саткан. Долу эвес мобилизацияның үезинде фондуларда чыгдынган акша-төгерик-биле Тывадан кыйгырткан шериглерге немелде эт-сеп үүргелерин хевирлээн. Ол түүгүже резин хончулуг идиктер, аптечка, карабин, удуур-шоодай, хевисчигеш, калбаңнааш, дискектээш база шенектээш, ол ышкаш өске-даа эргежок чугула чүүлдер кирип турар.

Республиканың мөөңнелгеже келдирткен хамаатыларын дерип аъткарарынга 8359400 рубльди чарыгдаан. Бистиң чаңгыс чер чурттугларывыс чүгле 55-ки бригада-биле керээ чарып турар эвес, а өске черлерден шериг операциязынга киржир күзелин илередип турарлар. Тускай шериг операциязының мурнуку шугумунче чүс ажыг кижи эки турачы болуп аъттанган. Оларга ниитизи-биле 3770675 рубль түңге дериг-херексел болгаш идик-хепти саткан.

Бо хүннерде эт-хөреңги чыылдазы уламчылап турар. Чаңгыс аай каттышкан штаб дузаламчы чыылдазының дугайында чарлаан, ону Шагаа бүдүүзүнде Донбассче чоргузар.

Бистиң корр.