Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чонга юридиктиг дуза кадар бюро ажыттынган

24 мая 2023
19

Чурттаар оран-сава, күш-ажыл, чер, өг-бүле хоойлузу, социал адырда камгалал болгаш пенсия назылыгларга төлевирлер дээн ышкаш айтырыглар чонну кезээде дүвүредип келген.

Кызыл хоорайга май 23-те байырлыг байдалга ажыттынган Күрүнениң юридиктиг бюрозундан хоойлу-дүрүмге хамаарышкан халас дузаны чон ап болур апарган. Күрүне бюрозунуң удуртукчузу Күзел Доңгак болгаш РФ-тиң Юстиция яамызының баштаар чериниң Тыва Республика талазы-биле төлээзи Чодураа Ооржак чонга халас юридиктиг дуза кадар дугайында керээге регион юстициязының сайыды Евгений Мельниковтуң киржилгези-биле атты салганнар.

Тываның юстиция сайыды Евгений Мельниковтуң демдеглээни-биле алырга, ооң мурнунда чонга халас юридиктиг дуза кадар аргаларны күрүне органнары боттары организастап тургузуп турган. Чижээлээрге, Кызыл хоорайга шак ындыг ийи төптү ажыткан. Ынчалза-даа ол төптерге дуза кадып турган юристер боттарының кол ажылынга ажылдавышаан, чонга дуза кадып турган болгаш чамдык адырларга дуза кадар аргазы чок апаарын олар демдеглээн.
Күрүнениң юридиктиг бюрозу чонга аас-биле-даа, бижимел-даа хомудал билдириишкиннер, дилеглер, негелделер бижииринге, судка хамааты кижиниң эрге-ажыын камгалаарынга хоойлу-дүрүмге хамаарышкан дузаны кадар.

2023 чылдың май 2-ден эгелээш халас юридиктиг дузаны кадып эгелей берген-даа болза, байырлыг ажыдыышкынын май 23-те демдеглээни бо. Күрүне бюрозунуң удуртукчузу Күзел Доңгактың чугаалааны-биле алырга, бо хүнге чедир 500 ажыг хамааты юридиктиг дузаны алган.
Оон аңгыда, ТР-ниң Баштыңы Владислав Ховалыгның дузазы-биле РФ-тиң Юстиция яамызының деткимчези-биле республиканың чедери берге кожууннарынга безин чедип тургаш, чонга юридиктиг дуза кадарда ажыглаар микроавтобусту садып алганнар.

А.Ондар белеткээн.