2022 чылдыӊ январь 1-ден тура кезек төлевирлерни, компенсацияларны, пособилерни Россияныӊ Пенсия фондузу шилчидер.
Социал төлевирлер шилчидер ажылдыӊ шынарын бедидери амыдыралдыӊ негелдези-дир. Ынчангаш бүгү чуртта чамдык социал деткимче төлевирлер кылырынга чаӊгыс аай таарымчалыг ажылды чорудары-биле Пенсия фондузунга чаа хүлээлгелерни немээш, ооӊ бюджедин башкарар бүрүн эргелерни берген.
Россияныӊ күш-ажыл болгаш чонну ажылга хаара тудар федералдыг албандан, социал камгалал органнарындан шилчидип турган дараазында социал төлевирлерни пенсия фондузу бээр:
Уруг-дарыглыг болгаш, ажылдавайн турар улустарга;
радиацияныӊ хоразындан когараан кижилерге;
политиктиг репрессияларга таварышкаш, оон агарткан улустарныӊ ажы-төлү;
эмчи көргүзүглери-биле транспорттуг инвалидтер, (инвалид уруглар);
пенсия фондузундан чогуур пенсияларны ап турар шериглерге болгаш оларныӊ өг-бүлезиниӊ кежигүннеринге бээр төлевир.
Пенсия фондузунуӊ томуйлаар пособиелери:
Уруун 1,5 харга чедир азырап, ажылдавайн турар хамаатыларга ай санында бээр пособие;
организацияны дүжүргени-биле ажылындан үнген херээжен улуска иштиг болгаш божуур үезинде бээр пособие;
чаш төлдүӊ төрүттүнгени-биле чаӊгыс катап бээр пособие;
уругну өг-бүлеге азырандыга дамчыдар үеде чаӊгыс катап бээр пособие;
шериг албанын эрттирип турар шериг кижиниӊ өөнүӊ иштинге чаӊгыс катап бээр пособие;
шериг албанын эрттирип турар шериг кижиниӊ уруунга ай санында бээр пособие.
Ооӊ мурнунда пособие ап турган хамаатыларга ук пособиелерни Пенсия фондузу ооӊ мурнуда айтып каан реквизиттеринче шилчидер. Ведомстволар аразында документилер солчур талазы-биле кады ажылдажылганы ажыглаар. Ынчангаш пенсия фондузунче барып, документилер дужаары чугула эвес.
Пособие кылдыртып алыр деп турар улустар январь 1-ден тура чогуур документилерин чурттап турар черинде Пенсия фондузунуӊ клиентилер-биле ажылдаар черинге азы МФЦ-ге дужаар.
Тываныӊ социал камгалал органнары хамаатыларныӊ паспорту-биле бадыткаттынган документилерни пенсия фондузунга дамчыдып берген.
Россияныӊ Пенсия фондузунга дамчыдып берген социал төлевирлер дугайында долу медээни ПФР-ниӊ сайтызындан көөр.
Харылзажыр телефоннары:
Тыва Республикада Пенсия фондузунуӊ регионалдыг харылзаа-төвү: 9-60-60
Чаӊгыс аай харылзаа-төвү: 8 800 600 0000
Тывада Пенсия фондузунуӊ парлалга албаны
Р.ДЕМЧИК очулдурган.
