Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
28 июня, вт

Covid-19-ка удур тарыдылга кампаниязын шапкынчыдар

4 марта 2022
1

Тываның чурттакчы чонун Covid-19-тан катап тарыдар үени сагыырын сагындырган.

Тывада Covid-19-тан коллективтиг иммунитетти быжыглаарының чорудуу бадып турары демдеглеттинген. Эрткен неделяда, февральдың 21-тен 27-ге чедир, ол 76 хуу тургаш, 73-те келген.

Росхереглелхайгааралдың ТР-де эргелели, тарытпаан болгаш катап база тарылга эртпээн кижилерниң иммунитеди читкенинден, халдавырдан камгалал кошкаанын дыңнаткан.

Кол санитар эмчи Людмила Салчак аңгы-аңгы акциялар, лотореялар дээш, өске-даа арга-хевирлер дузазы-биле, муниципалитеттерде Covid-19-ка удур тарыдылга кампаниязын шапкынчыдарын саналдаан.

Тываның Баштыңының даалгазы езугаар, чазак кежигүннери кожууннар удуртукчулары-биле чурттакчы чонну тарыдар ажылды организастыг эрттирер дээш, чер-черлерже үнер ужурлуг.

Февраль 27-ге чедир бирги тарылганы база «Спутник Лайт» вакцинаны 165 муң кижи алыр тургаш, 153318 кижи тарыдып, 92,5 хуу күүсеттинген. Чеди-Хөл, Кызыл, Барыын-Хемчик база Эрзин кожууннарда болгаш Кызыл хоорайда чонну тарыдарынче хаара тудары эвээжээн.

Алдан хардан өрү назылыг тарытпаан кижилер аразында аарып турарлар саны бо хонуктарда көвүдээнин Людмила Салчак айыткан. Ынчангаш ол бөлүктүң хамаатыларының тарыдып алырынче онза кичээнгейни углаарын муниципалитеттерге сагындырган.

Республикада 60 хардан өрү назылыг тарыдар кижилер санындан 23574 кижи бирги тарылганы алган, азы планның 79,1 хуузу. ТР-ниң Чазак Даргазының оралакчызы Елена Хардикова тарыдылга талазы-биле хожудаңгай Чеди-Хөл кожуунга субботада чораанының дугайында дыңнаткан. Коронавирус халдавырынга удур ажылдар чогумчалыг тургустунган-даа болза, кожуунда доктаамал чурттавайн турарындан, өске черже өөренип чорупканындан дээш, чөптүг чылдаганнар барын чугаалаан.

Чагырга чери чон аразынга тайылбыр ажылын чорудуп, үнүүшкүннерин кылып турар болгаш, кожуун бо чоокку үеде планын күүседиптер. Шак-ла ындыг хевирлиг хемчеглерни өске кожууннар база чорударын саналдаан.

Амгы үеде республикада 44 тарыдылга пунктулары ажылдап турар, оларның 21-и Кызылда, 23-ү – кожууннарда деп, Кадык камгалал яамызы дыңнаткан.

#Кадыккамгалал #Вакцинация #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews