Яков Какпак, Тес-Хем кожууннуң Хөй-ниити палатазының кежигүнү:
- ТР-ниң Баштыңының хүлээлгезин күүседип турар Владислав Ховалыг Тес-Хемге чоруп тургаш, COVID-19-ка удур кожуунда кандыг хемчеглер алдынып турарын айтырган. Дарганың сагыш човаашкынында чылдагаан бар.
Бо аарыг талазы-биле сөөлгү хонуктарның медээлерин көрүп, деңнеп олурарымга, аарып турар улустуң саны кожуунувуста чоорту көвүдеп эгелээн-дир. Бо аарыгны ыңай-бээр чоруп турар чаңгыс чер-чурттугларывыс боттарынче халдадып алгаш эккеп турары билдингир.
Кожууннуң Хөй-ниити палатазының кежигүнү болгаш, бо коргунчуг аарыгга удур ажылдарже кожууннуң хөй-ниити организацияларын база бүгү чонну кыйгырып тур мен. Демнежип тургаш байдалды чавырылдыраалы, чонум!
