Эът аймаан, эът чем барааннарын садып-саарарда, хоойлужудулганыӊ ветеринария болгаш санитар-эпидемиология талазы-биле негелделерин күүседип турарын республиканыӊ прокуратура органнары хынап турар.
Барааннар шынарлыг болгаш айыыл чок дээрзин күрүнениӊ ветеринарлыг хайгаарал албан чери хынааш, бадыткаан документини бээр.
Эът аймаан сатпышаан, боду акша ажылдап ап турар (самозанятый) хамаатыныӊ садыглаар черин Барыын-Хемчик кожууннуӊ прокуратуразы хынаан. Сайгарлыкчы 1993 чылдыӊ май 14-те үнген Россия Федерациязыныӊ «Ветеринария дугайында» 4979-1 дугаарлыг хоойлузунуӊ 21-ги негелдезин хажыдып, 260 кил инек эъдин ветеринария документизи чокка хүлээп алган дээрзин олар илереткен.
📢 Чадаана хоорайныӊ садыгларында хой, инек эъдин, өкпе-баар, манчы-хуужур, шашлык садып турар чамдык сайгарлыкчыларыныӊ шак ындыг хажыыдышкыннарыныӊ факт-барымдаазын Чөөн-Хемчиктиӊ прокуратуразы илереткен.
Бо бүгү хоойлу хажыдыышкыннары-биле Барыын-Хемчиктиӊ, Чөөн-Хемчиктиӊ прокурорлары, Россияныӊ Көдээ-ажыл агый хайгааралыныӊ Тыва, Хакас республикаларда болгаш Кемерово областа эргелели доктаалдарны үндүрген.
📢 Буруулуг кижилер РФ-тиӊ Административтиг эрге-хоойлу хажыдар чоруктар дугайында дүрүмүнүӊ 10.8 чүүлүнүӊ 1-ги кезээ-биле харыысалгага онаажып, торгаал төлээн.
Хажыдыышкыннарны чайлаткан, эът чемниӊ чугула ветеринарлыг документилерин кылдырып алган.
Л.Л. Осмоловская
Республика прокурорунуӊ массалыг информация чепсектери
болгаш хөй-ниити-биле кады ажылдажылга адырында
улуг дузалакчызыныӊ хүлээлгезиниӊ күүседикчизи
