Хоорайның одалга төвүнүң болгаш Энергетиктер 6 А адресте хөмүр складының автотехниказы Каа-Хем хөмүр-даш уургайындан хөмүрнү чүдүрүп эгелээн.
Республиканың чонунга бөгүн дораан хөмүр-дашты садып алыр арга турар болзун дээш, ТР-ниң Одалга болгаш энергетика яамызы үстүнде ады кирген ийи складка хөмүр-дашты дарый дүжүрер даалганы берген.
Тургустунуп келген нарын байдалдың чылдагааны болза, Тывага хөмүр-даш өртээн чиигедиптерге, Хакассияның чиижең садыкчылары хөмүр-дашты мөөңү-биле садып аппарган. А даг-руда компаниязы хенертен ол хире хөй хемчээлдиг хөмүр-даш хереглеттине бээринге белен эвес болган. Ооң уржуундан тус черниң чурттакчы чонунга садар хөмүр-даш артпайн барган.
Февраль 8-тиң хүнүнде, дүъш соондан эгелеп хөмүрнү чонга садып эгелээн.
