Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
28 июня, вт

РЕСПУБЛИКАДА ЭПИДБАЙДАЛ ЧҮГЭЭРТЕП ТУРАР

26 февраля 2022
1

Тываныӊ Чазаанга оперативтиг штабтыӊ хуралы болган. Covid-19 хамчыктан аарып турар улустуӊ саны ээвээжеп турарын демдеглээн Февраль 25-те 64 кижиниӊ аарый бергенин илереткен, а 543 кижи сегип эттингенин демдеглээн. Ынчалза-даа Барыын-Хемчик, Бай-Тайга кожууннарда аарыг улустуӊ саны көвүдеп турар. Эмнелгеде эӊ берге аарып турар пациентилерниӊ саны - 45.

📢КОЛЛЕКТИВТИГ ИМУНИТЕТ — 77 ХУУ

Covid-19-ка удур тарылга кампаниязыныӊ планын Кызыл хоорай, Эрзин, Барыын-Хемчик, Кызыл, Чеди-Хөл кожуунар күүсетпейн турар дээрзин Чазак Даргазыныӊ оралакчызы Елена Хардикова айыткан.

Кожуун чагыргаларынга бо байдалды сайгарып, чедир кылбаан ажылын эдип чазаар деп даалганы берген. Бир эвес ону күүседип шыдавайн баар болза, ведомстволар аразында комиссия тус черлерге барып четкеш, методиктиг дуза чедирер болган.

📢АЖЫЛЫНГА БАРГАШ, ТАРЫЫР

Тываныӊ кадык камгалал сайыды Ангатолий Югайныӊ саналы-биле алырга, күш-ажылчы коллективтерниӊ ажылдаар черинге эмчилер барып четкеш, азы коллективтер эмнелгеге баргаш, тарыдып алыр арга бар. Хамчыктыг аарыгныӊ чавырлы бергени-биле, эмчилер чедишпес деп чүүл чок, ынчангаш вакцинация кылыр бригадаларын аӊгылап болур.

Бир эвес организацияларныӊ чагыгларыныӊ аайы-биле оочурлуг апаар болза, өөредилге адырыныӊ болгаш чонга ачы-дуза чедирер албан черлериниӊ ажылдакчыларын баштайгы ээлчегде шилиир дээрзин дыӊнаткан.

Республиканыӊ 1 дугаар эмнелгези план ёзугаар пациентилерни хүлээп эгелей берген.

📢ӨӨРЕДИЛГЕ АЛБАН ЧЕРЛЕРИНДЕ

Уруглар садтарында, школаларда, училище, техникумнарда уругларныӊ Covid-19, ОРВИ, грипптен аарып турар байдалы өршээлдиг.

Школа назыны четпээн уругларныӊ 3 хуузу, 27 000 өөреникчиниӊ 1641, а профессионал өөредилге албан чериниӊ 8000 студентилерниӊ аразындан 324 кижи аарып турар.

22 000 башкыларныӊ арызындан 196 кижи, азы 0,8 хуузу аарып турары-биле ажылдавайн турар.

Шагаан-Арыгныӊ 1 дугаар школазында ийи классты ковид дээш, а Кызылдыӊ уруглар садында бир бөлүктү ОРВИ дээш карантиннээн дээрзин республиканыӊ өөредилге сайыдыныӊ бирги орлакчызы Владимир Моӊгуш илеткээн.

📢КАРАНТИННЕВЕС АПАРГАН

Росхерегхайгааралдыӊ чоокта чаа үнген дужаалы ёзугаар алырга, ковидтен аараан кижи-биле харылзаалыг улусту безин самоизоляция, карантинче чорутпас апарган. Шагаан-Арыг хоорайда школаныӊ класстарын бүдүнү-биле дистанциялыг өөредилгеже чорудары албан эвес. Бир эвес хамчыктыг аарыг тараан черни илереткен болза, өөренир класстарын Росхерегхайгааралдыӊ негелдези ёзугаар, аштап арыглаар дээрзин республиканыӊ Кол санитарлыг эмчизи Людмила Салчак тайылбырлаан.

Вакцинация, ревакцинацияны чогуур үезинде эртер, албан черлеринге, бажыӊнарга дезинфекция кылыр негелдени шын сагыыр. Ажыл чок хамаатыларны, ылаӊгыя чурттаар чери чок тояп чоруур улустарже кичээнгей салыр деп хуралга түӊнээн.

Тываныӊ Чазааныӊ парлалга албаныныӊ медээзи-биле белеткээн

Р.Демчик.