Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тыва Республикада Иштики херектер яамызының тургустунганындан бээр 100 чылдаан оюн демдеглээн

18 марта 2022
19

Тыва Арат Республиканың Иштики херектер яамызы 2022 чылдың март 16-да үндезилеттинип тургустунганын төөгү документилери бадыткап турар. Марттың 17-де Тыва Республикада Иштики херектер яамызы ооң-биле холбаштыр байырлыг хуралды эрттирип, корум-чурум камгалаар органның хууда составын база хоочуннарын шаңнап-мактаан. Тыва Республиканың Баштыңы Владислав Ховалыг, Тыва Республиканың прокурору Сергей Дябкин, Россияның федералдыг айыыл чок албанының Тыва Республикада эргелелиниң начальниги, полковник Владлен Мельников, Россия Федерациязының национал гвардия шериглериниң федералдыг албанының Тыва Республикада эргелелиниң начальниги, полицияның полковниги Андрей Кука полицейжилерге байыр чедирип четкен. Байырлалче Тыва Республикада иштики херектер сайыдының оралакчыларын, Хоочуннар чөвүлелиниң даргазын, Тыва Республикада ИХЯ аппарадының удуртукчуларын база чалаан. Тываның Баштыңы бодунуң байырлыг бижиинде, Тыва Республиканың Иштики херектер яамызы республикада кем-херек үүлгедиглери-биле демиселде улуг салгалының алдарлыг чаңчылдарын уламчылап, халдавырлыг айыыл үезинде хөй-ниитиниң айыыл чок чоруун хандырып, интернет кем-херек үүлгедикчилеринге база бузурукчуларынга удур улуг ажылды чорудуп турарын демдеглээн. «Республиканың хөгжүлдезинче угланган айтырыгларны шиитпирлээринге кады киржилгези дээш яамының удуртулгазынга четтиргеним илередип тур мен. Ылаңгыя хоочуннарга четтирдивис. Оларның күш-ажылы, чымыштыг, карак кызыл ажылы-биле Тываның иштики херектер органнарының алдар-ады быжыглаттынган» - деп, В. Ховалыг демдеглээш, шаңналдарны тывыскан. Тыва Арат Республиканың тургустунганындан бээр 100 чылынга тураскааткан юбилейлиг медаль-биле Тыва Республикада ИХЯ УНК “Гром” тускай сорулгалыг отрядының командири, полицияның подполковниги Алаш Шаравиини, халажылгада милицияның подполковниги Биче-оол Шыырапты база халажылгада милицияның капитаны Виктор Ооржакты шаңнаан. РФ ИХЯ Тывада эргелелиниң эмчи-санитар кезээниң эмчилери Инга Хайжокка, Ольга Ховалыгга, Айнаш Сандый-оолга Тыва Республиканың Баштыңының Хүндүлел бижиктерин тывыскан. Тыва Республикада ИХЯ УНК “Гром” тускай сорулгалыг отрядының улуг опертөлээзи, полицияның майору Айдыс Ондурну база полицияның улуг лейтенантызы Сергек Саин-оолду Тыва Республика Баштыңының Өөрүп четтириишкин бижиктери-биле демдеглээн.

ТР-ниң Чазааның парлалга албаны