РОССИЯНЫҢ ЭРТЕМ ХҮНҮ
Аңаа эрткен 2021 чылда шаңнал-мактал болгаш өөрүп четтириишкин бижиктери, хүндүлүг бижиктерни ап, өскелерден ылгалдыг болган эртемденнерни чарлап, байыр чедиргеш, эрткен чылдың түңнелдерин үндүрген. Эртемденнерниң эртем ажылынга хамаарыштыр чаңчылдарын, өөредилге чериниң чедиишкиннерин чугаалашкан. Оон аңгыда, хөгжүмнүг байыр ужуражылгага байырлыг хөөн киирген.
Онлайн хуралга чыглып келген эртем ажылдакчыларынга Тываның күрүне университединиң ректору, философия эртемнериниң доктору, профессор Ольга Хомушку профессионал байырлалын таварыштыр байыр чедирген.
Байырлыг хуралдың башкарыкчызы, Тываның күрүне университединиң эртем ажылының талазы-биле проректору Евгений Монгуш ук өөредилге черинде эртем ажылының байдалының болгаш келир үеде планнарының дугайында илеткелди кылган.
А.Ондар белеткээн.
