Рубрикалар

ӨӨРЕДИЛГЕ АДЫРЫНЫҢ 113 КОЛЛЕКТИВИ БОТ-АҢГЫЛААШКЫНДА

Декабрь 4-түң байдалы-биле алырга, школаларның 58 класстары, уруглар садтарының 11 бөлүктери база дээди болгаш ортумак тускай өөредилге черлериниң 44 бөлүү бот-тускайлаң аңгылаашкынынче кирген.
Республиканың өөредилге албан черлеринден 1765 кижи кызыгаарлаан хемчеглерде таварышкан.

Ноябрь 28-тен декабрь 5-ке чедир, 32 башкы, школа назыны четпээн өөредилге черлериниң 10 ажылдакчызы база ортумак тускай болгаш дээди өөредилгениң ийи ажылдакчызы COVID-19-тан аараан. Чаа коронавирус халдавырындан школачылар эң хөй аарып турар, неделя дургузунда 76 таварылга бүрүткеттинген. Уруглар садтарындан 14 чаш, студентилерден – 17 кижи аараан.

Республикада коронавирус халдавыры-биле чергелештир, ОРВИ база сезоннуг грипп көдүрүлген. Ылаңгыя школа база садик назынныг уруглар аразында ол нептереп тараан. Өөредилге албан черлериниң удуртукчулары санитар-эпидемиологтуг хемчеглерни сагыырынга хыналданы кошкатканындан байдал нарыыдап келгенин Росхереглел хайгааралының республикада эргелели айыткан. Коллективтерде – школаның класстарында, уруглар садтарының бөлүктеринде база студентилер аразында аарыг нептерээнин республиканың кол санитар эмчизи Людмилы Салчак демдеглээн.

Тыва Республиканың Чазааның даргазының оралакчызы албан-хүлээлгени күүседип турар Александр Брокерт аппарат хуралында, өөредилге черлеринге камгалал масказын албан кедеринге, уруглар садтарында чаштарны эртенги шакта хынаарынга, регионнуң школаларында, ортумак тускай болгаш дээди өөредилге черлеринде дезинфекциялаашкынга контрольду күштелдирерин негээн.

Тываның Чазааның парлалга албаны.

#Коронавирус #Бот_аңгылаашкын #Өөредилге #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
ГОНКОНГ ГРИВИ-БИЛЕ ААРААН 17 ТАВАРЫЛГА ИЛЕРЭЭН
Следующая запись
САЙГАРЛЫКЧЫЛАРГА ЧИИГЕЛДЕЛИГ ЧЭЭЛИЛЕР
Меню