Рубрикалар

30 АВТОМОБИЛЬДИ ХӨЛЕЗИЛЭЭР

Тываның Кадык камгалал яамызы ковид бригадаларының эмчилеринге 30 автомобильди хөлезилээр
Росхереглел хайгааралының эргелели биле Кадык камгалал яамызы эрткен хонукта ковидтен чаа аараан 580 кижи илереттингенин дыңнаткан. Кызыл кожуундан 193 аараан кижи хөй болуп, Кызыл хоорай тергиидээн. Аараан кижилерниң 30 хуузу кандыг-даа им-демдек чокка, а 40 хуузу чиик хевирге эртип турар. Бо аарыг кижилер эмчилерниң хайгааралы-биле амбулаторлуг эмнээшкинни бажыңнарында ап турар. Яамылар база ведомстволар автопарктарны үндүрген-даа болза, ковид бригадаларынга ам-даа автотранспорт херек. Кадык камгалал яамызы мындыг байдалдан үнер дээш хуу машиналарлыг чолаачыларны хаара тударын көрген. Коронавирустан аараан кижилерге үе-шаанда чедип, эмнээр дизе, ам-даа 30 автомашина херегин эмчилер санаан. Эртенги шактан дүъшке чедир, дүъштен кежээге чедир ээлчежип ажылдаар чолаачыларлыг автомобильдер херек. Амгы үеде ведомство хөлезилээшкинни төлээр санаашкыннарны кылып турар. Акшаландырыышкын чагыын бо неделяда ТР-ниң Саң-хөө яамызынче киирген. Республиканың эмнелге организацияларында чаа коронавирус халдавырындан 20 882 кижи эмнедип чыдар, эрткен неделяга деңнээрге 5 536 кижи хөй. Аарыг 19 689 кижиниң 94,3 хуузу амбулаторлуг эмнээшкинде. Амбулаторлуг звенону эм-таң-биле хандырары эң улуг хереглелдиг, бөгүнде 11 698 кижини эмнээр 55, 23 млн рубль түңнүг эм-таң курлавыры бар. Тываның Чазаа чоокта чаа 43 млн рубльди эмнер садарынче үндүрген. Садыглажылганы чоруткан соонда, республикаже эм аймаа кээп эгелээн. Ол акша-хөреңгиге эмнерден аңгыда, ПЦР-тесттер кылыр материалдарны чагып, дезинфекция кылыр чүүлдерни немей сатканын сайыт Анатолий Югай илеткээн. 2022 чылдың январь 1-ден амбулаторлуг эмнээшкин алган 15 210 аарыг кижиге (11 448 улугларга, 3 762 уругларга) эм-таңны үлээн. Сөөлгү неделяда бажыңында эмнер алган аарыг кижилерниң саны дөрт катап көвүдээн, азы 1 131 кижини эмнер-биле хандырган.

Тыва Чазактың парлалга албаны

Предыдущая запись
Тываның күрүне университеди Zoom капсырылга таварыштыр байырлыг хуралды эрттирген.
Следующая запись
Чаа дүрүм
Меню