Рубрикалар

68 кем-херек үүлгедиишкини бүрүткеттинген

Тыва Республиканың иштики херектер сайыды Юрий Поляковтуң дыңнадып турары-биле алырга, эрткен неделяның дургузунда регионнуң девискээринге 68 кем-херек үүлгедиишкини бүрүткеттинген, иштики херектер органнарының ажыдакчылары 57 кем-херек үүлгедиишкинин, ооң иштинде мооң мурнунда үүлгеткен 28 кем-херек үүүлгедиишкинин база истеп тыпкан.

Эрткен неделяның дургузунда кижиниң амы-тынынга хора чедирер дөрт аар үүлгедигни араганың хайы-биле кылган. Ооң иштинде Чөөн-Хемчик кожуунга кадыкшылга кара өжегерээн аар хора чедиргениниң база Кызыл хоорайга болгаш Эрзин кожуунга ийи өлүрүүшкүннүң барымдаазы бүрүткеттинген. Оларны изиг дээрезинде истеп тыпкан.

Бодунуң өнчүзүнге хамаатыларның тоомча чок чоруу кайгамчык. Ындыг чорук оларны материалдыг каражага чедирип турар.

Чижэлээрге, Кызылга эжиин шоочалаваан машина иштинден соталыг телефонну оорлаан. Май 20-де Магистральная кудумчузунда склад-садыгдан ажык эжиктеп хостуг киргеш, 226 000 рубль түңнүг беш ноутбукту оорлаан.

Медээ-телехарылзаа технологияларының адырында кем-херек үүлгедииишкиннеринге удур ажылдың айтырыы онза чугула черде турар. Маңаа когараан кижилерниң санынче назыдап кырааннар-даа, эртем-билиглиг аныяктар-даа кирип турарлар.

Шак ынчалдыр, Кызыл кожуунга эге класстар башкызы Ажаалга банкызының айыыл чок чорук албанының ажылдакчызы мен деп бодун таныштырган бузурукчунуң мегезинге алзып, беш чүс муң рубль ажыг акша-хөреңгизин алыскан.

Арага-дары кылыгларын болгаш спирт холумактыг продукцияны хоойлу-дүрүмге чөрүштүр садып-саарылгазынга удур хемчеглерниң иштинге полиция ажылдакчылары республиканың девискээринге хоойлужудулганың 16 хажыдыышкынын илереткен болгаш аңаа хамаарыштыр корум-чурум хажыдыышкынының 13 протоколун долдурган.

Шивилиг хыналда-эрттирилге пунктузунга республикаже 214,7 литр ниити хемчээлдиг спирт холумактыг бүдүмелди киир сөөртүп олурганының 2 барымдаазын илереткен.

Эрткен неделяның дургузунда хоойлу-дүрүмге чөрүштүр садып-саарылгадан 6 хире тонна арага-дары кылыгларын болгаш спирт холумактыг продукцияны хавырганын иштики херектер сайыды бөгүнгү аппарат хуралынга дыңнаткан.

#Аппаратхуралы #ИХЯ #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
УРУГЛАР БАЙЫРЛАЛЫН КЫЗЫГААРЛААН
Следующая запись
Күрүнеден ачы-дуза алыр программаның угланыышкыннары
Меню