Рубрикалар

«АГРОСТАРТАП» — КӨДЭЭ ЧЕРНИӉ САЙЗЫРАЛЫНГА ДЕТКИМЧЕ

Көдээ ажыл-агыйны мурнады сайзырадыры Тыва Республиканыӊ социал-экономиктиг хөгжүлдезиниӊ бот-тускайлаӊ программазыныӊ бир кол угланыышкыны болур. Ынчангаш көдээ черниӊ бараан бүдүрүкчүлеринге күрүнениӊ ачы-дузалыг деткимчезин бээри-биле, элээн каш мөөрейни чарлаан.

«Агростартап» — күрүнениӊ тускай сорулгалыг деткимче грантызын тыпсыр мөөрей.
— Өг-бүле фермаларын сайзырадырынга;
— Көдээ ажыл-агый кооперативтериниӊ материал-техниктиг баазазын хөгжүдеринге;
— Мал азыраар болгаш үнүш өстүрер ажыл-агыйларга субсидия бээр.

«Аргостартаптыӊ» кол негелдези көдээ суурда чурттап турар болгаш аӊаа беш чыл дургузунда үре-түӊнелдиг ажылдаар сорулгалыг улусту деткиири.
Тодаргай медээлерни Республиканыӊ көдээ ажыл-агый яамызыныӊ сайтызындан http://rtyva.ru), https://vk.com/minselkhoz_tuva көрүп алыр.

«Агростартап» грант бээр мөөрейге киржир күзелдиг улустуӊ билдириишкиннерин ук яамы хүлээп эгелей берген.

Февраль 28-ке чедир – мал болгаш чер ажылдыг улустарныӊ билдириишкинин,

Март 3-ке чедир – өг-бүле фермазын ажыдып алыр күзелдиг улустарныӊ, материал-техниктиг баазазын экижидер сорулгалыг кооперативтерниӊ (КФК, СПоК, СПК болгаш өске-даа) билдириишкинин,

Март 9-ка чедир – эъткир, сүткүр мал азыраар, эът-сүт барааны болбаазырадыр бүдүрүкчүлерниӊ билдириишкинин.

Март 16-га чедир – «Агростартап» грантызы дээш мөөрейлежир улустуӊ билдириишкинин хүлээр.

📢 Мөөрейге хамаарыштыр айтырыглар талазы-биле Тыва Республиканыӊ Көдээ ажыл-агый яамы харыылаар. Адрези: Кызыл хоорай, Московская кудумчузу, бажыӊ 2 а, телефону: 8(394 22) 9-75-30, электронуӊ почтазы mcx_econ@rtyva.ru

📢 «Тыва Республикага көдээ ажыл-агыйны сайзырадыр болгаш көдээ черниӊ продукциязын, чиг-эдин болгаш аъш-чем барааннарыныӊ рыногун таарыштыр башкарары» деп тускай күрүне программазын амыдыралга боттандырары чугула.
Р.Демчик

Предыдущая запись
ЭШТЕРИМГЕ, АДА-ЧУРТТАШТАРЫМГА БҮЗҮРЭЭР МЕН
Следующая запись
БЕДИК ДЕӉНЕЛГЕ ЭРТЕРИ МАРГЫШ ЧОК
Меню