Рубрикалар

АЙТЫРЫГЛАРНЫҢ ХӨЙ КЕЗИИ — ЧУРТТАЛГА КОММУНАЛ АЖЫЛ-АГЫЙЫ

«Дорт чугаа»

Тываның Баштыңының албан-хүлээлгезин түр үеде күүседип турар Владислав Ховалыг-биле болур “дорт чугааже” хамаатылардан 702 дыңнадыг кирген.

Республика чурттакчыларының салган айтырыгларының хөй кезии чуртталга коммунал ажыл-агыйы болгаш энергетика – 83, социал камгалал – 81, тудуг болгаш чурттаар оран-сава – 60, өөредилге – 59, чер болгаш өнчү хамаарылгалары – 50, оруктар болгаш көвүрүглер – 44, хөй-ниити транспорту – 2Ү, хоойлу болгаш чурум – 22, кадык камгалал – 22, база 20-зи чаагайжыдылгага хамааржырын регион башкарылгазының төвү дыңнаткан.

Баш бурунгаар санаашкыннар-биле алырга, чурттакчы чондан дыңнадыглар чорудары-биле Кызыл хоорай мурнуку черде – 414 дыңнадыгны бүрүткээн, ийигизинде – Кызыл кожуун (58 дыңнадыг), үшкү черде Бии-Хемчик кожуун (31 дыңнадыг).

Айтырыгларны бүрүткеп доозарынга чедир 4 хонук артканын сагындыраал.

Хамаатылар боттарының айтырыгларын мессенджерлер база социал четкилер, ол ышкаш телефон таварыштыр чорудуп болур. Айтырыгларга харыылар «Россия-24» база «ОТР» телеканалдарга август 15-те 17.00 шактың дамчыдылгазында үнер.
8-(800)-200-85-04 телефонче халас долгааш, айтырыгларыңарны салып болур силер.

Viber мессенджерде https://clck.ru/WdnB4 «Тыва Республиканың Баштыңы албан-хүлээлге күүседикчизиниң онлайн-хүлээп алыышкыны» бөлүк азы Вконтактыда vk.com/internetpriem база инстаграмда nstagram.com/onlinepriem_tuva социал четкилерде “Тыва Республиканың Баштыңының онлайн-хүлээп алыышкыны” бөлүктерге дыңнадыыңарны бижип болур силер.

#Владиславховалыг #Дортшугум #Онлайнхүлээпалыышкын #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
КҮРҮНЕ БАШТЫҢЫНЫҢ КИЧЭЭНГЕЙИ ТЫВАГА ОНЗА ҮНЕЛИГ
Следующая запись
НААДЫМ-2021 БАЙЫРЛАЛДЫ СОҢГААРЛАТКАН
Меню