Рубрикалар

Аъш-чемниң база бирги хереглел барааннарының өртээ 3-4 хууга өскен

Тываның экономиктиг хөгжүлде болгаш үлетпүр сайыды Айдыс Сат Россияның Чазааның ажылдап кылганы деткимче хемчеглериниң дугайында дыңнаткан.

Неделя санында Россияның Үлетпүр болгаш садыг яамызы регионнарның киржилгези-биле видеохарылзаа чурумунга хуралдарны эрттирип турарын сайыт медеглээн.

Регионнар эрге-чагыргалары РФ-тиң Чазаанче экономиканы база социал адырны деткиир ниити хемчеглерни федералдыг деңнелге хүлээп алыр кылдыр элээн саналдарны киирген, ооң хөй кезии россий экономиканы деткиир комплекстиг программаже кирери демдеглеттинген.

Эрткен неделяның бирги чартыында аъш-чемниң бар-чогунга база ооң өртектеринге мониторингиниң баш бурунгаар түңнелдерин регион баштыңынга Айдыс Сат илеткээн.

Аъш-чемниң база бирги хереглел барааннарының өртээ 3-4 хууга өскен. Тыва сайгарлыкчыларның Хакасиядан мөөңү-биле садып ап турар өртектер өскени-биле ол тайылбырлаттынар. Чигир өртээ эң өскен – 15-20 хуу. Ногаалар өртээ 10 хууга, ол сезон үезинче черле ындыг.

Сайыт муниципалдыг тургузуглар удуртукчуларынга тус чер садыгларында аъш-чем өртектеринге хыналданы күштелдирип, бирги хереглел барааннарынга салган өртектерни хүннүң демдеглеп турарын айыткан.

Өртектер өстүрген таварылгаларның дугайында дыңнадып болур хондур-дүндүр ажылдаар “изиг шугум” база ажылдай бергенин сагындыраал. 8(394 22) 2-12-94 дугаарже долгааш, регионнуң садыгларында аъш-чемге болгаш өске-даа барааннарга өртектер өстүрген факт-барымдааларның дугайында дыңнадыгны арттырып каап болур.

#Россияныңүлетпүрболгашсадыгяамызы #Тываныңэкономиктигхөгжүлдеболгашүлетпүр #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
Владислав Ховалыг Тываның Херээженнер эвилелиниң идепкейжилери-биле ужурашкан
Следующая запись
Хостуг хүрешке тиилекчи кыстар кымнарыл?
Меню