Рубрикалар

Бай-Дагның спортчу энези – Лариса Мандал

Эрзин кожуунга «Бүгү Россияның хаак оруу – 2022» хаак чарыжынга Бай-Даг сумузунуң командазы бирги черге төлептиг болган.

Улуг назылыглар аразынга бир километрге чарышка хоочун эне Лариса Мандал тергиидээн. Тыва Республиканын культуразынын алдарлыг ажылдакчызы өөнүң ээзи-биле ажы-төлүн төлептиг кижилер кылдыр кижизидип өстүрген. Амгы үеде олар хууда мал-маганын тудуп, сумунун хөй-ниити ажылынга идепкейлиг киржип турар үлегерлиг өг-бүлелерниң бирээзи.

Алдан хардан өрү назынныг улус аразынга чаа коронавирус хамчыынга удур тарылганы үезинде салдырткан болгаш база катап чогуур уезинде тарытканы дээш, регионнуң Күш-ажыл болгаш социал политика яамызының чонга деткимче кылдыр үлеп турары аъштыг-чемниг хапты спортчу хоочунга хамааты тура-соруу дээш дамчыткан.

Сумунуң чагырга чериниң, херээженнер база адалар чөвүлелдериниң төлээлери хоочунунга идепкейжи чоруу база кадык амыдыралче чүткүлү дээш байыр чедирип, белээн тудускан.

#Күш_ажыляамызы #Демография #Националтөлевилел #Эрзинкожуун #Бай_даг #Хаак #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
Профилактиктиг хемчеглерни шыңгыы сагыыр ужурлуг
Следующая запись
Акцияга киржиңер!
Меню