Рубрикалар

БЕЛДИР-АРЫГЖЫЛАР ИДЕПКЕЙИН КӨРГҮСКЕН

Чуртаарынга таарымчалыг хоорай хүрээлеңин хевирлээри

«Чурттаарынга таарымчалыг хоорай хүрээлеңин хевирлээри» регионалдыг төлевилдиң онлайн бадылаашкыны май 30-де доозулган. Бо үеге чедир тус черлерде комиссия кежигүннери бадылаашкынның түңнелдерин үндүрген. Кожуун бүрүзүнүң чурттакчы чону кайы суурга, кайы төлевиледи боттандырып, акшаландырыышкын-биле хандырарын бадылаар ужурлуг турган.

Тес-Хем кожууннуң чонунуң «Чурттаарынга таарымчалыг хоорай хүрээлеңин хевирлээри» регионалдыг төлевилелдиң бадылаашкынынга кайы кире киришкенин база кайы төлевилел дээш эң хөй үн бергенин көрүп көрээлиңер.

Тес-Хем кожууннуң чагырга даргазының чуртталга хандырылга талазы-биле оралакчызы Чингис Тогаачының удуртулгазы-биле комиссия кежигүннери түңнелдерни үндүрген. Ук кожуундан ниитизи-биле 9 төлевилел бадылаашкынга киришкен. Бирээде, 1065 үннү Белдир-Арыг суурнуң Оюн Калзаңмай аттыг хөй ниити дыштанылга шөлүн чаартыр төлевилел алган. Ийи дугаарында 1064 үннү Берт-Даг суурда Ленин аттыг хөй ниити шөлү болган.

Кожуун бүрүзүнден эң хөй үн алган чаңгыс төлевилел келир 2022 чылда «Чуртаарынга таарымчалыг хоорай хүрээлеңин хевирлээри» төлевилелче киргеш, акшаландырыышкынны алыр. Бо кожууннуң үстүнде адааным ийи суурнуң төлевилелдери барык дең чыгыы, чүгле 1 сан ылгалдыг болган. Ынчалза-даа төлевилелдиң дүрүмү-биле Белдир-Арыг суурнуң Оюн Калзаңмай аттыг дыштанылга төвүн чаартып, чаагайжыдары көрдүнген-дир.

Айдың ОНДАР.

Чурукту интернет четкизинден алган.

#Чуртаарынгатаарымчалыгхоорайхүрээлеңинхевирлээри» #Төлевилел #Чаагайжыдылга #Тес_хемкожуун #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
ПРОГРАММАНЫҢ ХУУСААЗЫН УЗАДЫРЫН ӨӨРЕНИП КӨӨР
Следующая запись
АЯҢГАТЫ ӨСКЕРИЛГЕН
Меню