Рубрикалар

Чаа чыл уткуштур белек- чаа хоккей шөлү!

“Демография” деп национал төлевилел иштинде “Хөй-ниитиниң кадыын быжыглаары” деп регионалдыг төлевилелди боттандырары-биле ТР-ниң Кадык камгалал яамызының чарлааны мөөрейге Тываның “Аныяк эмчилер чөвүлели” коммерцияга хамаарышпас организация “Холодное сердце next”  деп төлевилели-биле киришкеш, республиканың кожууннарынга хоккей шөлдерин кылып кирипкен.

Бо чылын кылган үш дугаары болур чаа хоккей шөлүн Бай-Тайга кожууннуң Тээлиге кылган. Ооң байырлыг ажыдыышкыны декабрь 22-де болган.

Чаа хоккей шөлүнге бир дугаар маргылдаа- Тээлиниң өөреникчилер аразынга хоккейге эш-хуу ужуражылга болган. Хостуг үезинде чүгле хоккейлээринден аңгыда, кышкы спортчу оюннар ойнаарынга, конькиге чуңгулаарынга кончуг таарымчалыг чаа шөлдүг болганынга сургуулдар өөрүп, күзелдии-биле маргылдаага киришкен.

Чаа шөлде кыштың кыска хүннерде уруглар кежээки үеде-даа ойнап турар кылдыр, электри чырыын кошкан болгаш ооң чанында аңгы солуттунар черни база кылып каан.

Удавас өөреникчилерниң кышкы дыштанылгазы эгелээр. Чаа хоккей шөлүнге ол хүннерде уругларның хөглүг каткызы долган турар дээрзи билдингир.

Сагындырып каалы, “Аныяк эмчилер чөвүлели” эрткен чылын шак ындыг хоккей шөлдерин Чадаана биле Туран хоорайларга кылган. Бо чылын эгелеп алган төлевилелин уламчылап, Эрзинге, Чаа-Хөлге, Бай-Тайгага кылганы бо.

#Путин #президент #ВладиславХовалыг #инициативыпрезидента #нацпроекты #нацпроектдемография #хоккейнаяплощадка

https://minzdravtuva.ru/2021-12-21-003.html

Предыдущая запись
СҮТ-ХӨЛДҮҢ ТӨП КОЖУУН ЭМНЕЛГЕЗИ ЧАА АНАЛИЗАТОРЛУГ
Следующая запись
“ШЫН” СОЛУН ХООЧУННАРГА КЕЛИР
Меню