Рубрикалар

Чеден өг-бүле чаа бажыңнарже көшкен

“Чуртталга оран-савазы база хоорай хүрээлели” национал төлевилелдиң аварийлиг чуртталга фондузундан өскээр көжүрер республиканың адрестиг программазы-биле Чеди-Хөл кожууннуң Хову-Аксы суурнуң Гагарин кудумчузунда, 1А дугаарлыг бажыңда чаа квартираларның дүлгүүрлерин чурттакчыларынга дамчыткан.

Байырымныг хемчегге Тываның Чазааның Даргазының бирги оралакчызы А. Брокерт, республиканың тудуг са­йыды А. Хунай-оол, Чеди-Хөл кожууннуң баштыңы – Төлээлекчилер хуралының даргазы А. Ооржак, Чеди-Хөл кожууннуң чагырга даргазы А. Араптан аас-кежиктиг өг-бүлелерге байырны чедирген.
Аварийлиг чуртталга фондузундан өскээр көжүрер республиканың адрестиг программа күүселдези-биле Хову-Аксында Юбилейная, Гагарин база Мир кудумчуларында беш бажыңны туткан. Суурнуң 209 чурттакчызының чуртталга байдалын экижидер. Бо удаада эргижирээн алды бажыңга чурттап турган 70 өг-бүле дүлгүүрлерни алыр аас-кежиктиг болган.
«Эрги бажыңым орнунга чаа квартираны алганымга, канчаар-даа аажок өөрүп тур мен. Чаа бажыңнарывыс чараш, чылыг, чырык-тыр. Тываның Баштыңы Владислав Товарищтайовичиге, Тываның Чазаанга четтиргенимни илереттим. Бажыңнарын камнап, ону чаагайжыдарынче шупту кожаларымны кыйгырып тур мен!” – деп, чаа квартираның ээзи Оскал-оол Оюн чуртталгазында өөрүшкүлүг болуушкунну чугаалаан.
Күрүне керээзи-биле үш каът бажың­нарны хууда сайгарлыкчы А.Д. Самдан, «Угулза» КХН,«Атриум» КХН, «Виксар» КХН туткан.
Тываның Чазааның парлалга албаны.
Александр ЕНЗАКТЫҢ тырттырган чуруктары.

Предыдущая запись
Школачыларга изиг чем айтырыы
Следующая запись
ТЫВАНЫҢ БАШТЫҢЫНЫҢ АЖЫЛ-ХЕРЭЭ
Меню