Рубрикалар

«ЧЫЛДЫҢ СТУДЕНТИЗИ» МӨӨРЕЙГЕ ТЫВА СТУДЕНТИЛЕР КИРЖИР

Ноябрь 6-11 хүннеринде Томск хоорайга, профессионал өөредилге черлериниң аразынга Россияның национал шаңналы дээш “Чылдың студентизи” түңнел мөөрей болуп эртер.

Чурттуң 69 регионундан шилиттинген 400 тулган студентилер санында Тывадан Сылдысмаа Хомушку, Мария Толмачева база Дара Куулар кирген.
Сылдысмаа Орлановна Хомушку – Чадаана хоорайда Технология техникумунуң 3-кү курсчузу. Ол “Чылдың хөй-ниитичизи” номинацияга киржир.

Мария Владимировна Толмачева – Тываның политехниктиг техникумунуң 3-кү курсчузу – “Чылдың старостазы” номинацияда.

Дара Романовна Куулар – А.Б. Чыргал-оол аттыг Кызылдың уран чүүл колледжизиниң 2 курс студентизи – “Чылдың чогаадыкчы кижизи» номинацияга мөөрейлежир.

Бо чоокку беш хонукта сургуулдар чааскаан азы хөйнүң киржилгези-биле мөөрей шылгалдаларынга киржир: бодун таныштырып, тускай тестини, ажык кичээл шагын эрттирип, дебаттарга киржип, тускай төлевилелдерин болгаш ойнаар оюннарын шииткелче киирер.

#Чылдыңстудентизи #Мөөрей #Россияныңнационалшаңналы #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
ЁЗУЛУГ ТЫВА ӨГЛЕРНИҢ ОНЗАГАЙЫН ЧИДИРБЕС ДЭЭШ
Следующая запись
ТӨРЭЭН ДЫЛЫВЫС САЛЫМ-ЧОЛУ ДЭЭШ…
Меню