Рубрикалар

ЭМЧИНИҢ БЕЛЭЭ

Ак-Довурак хоорайда асбесть комбинадының кагдынган бажыңнарын бузарынга киржип тургаш, айыыл-халапка таварышкан ажылчынның амы-тынын камгалаарынга республиканың дугаары бир эмнелгезиниң травматолог-ортопед хирург эмчизи Эргил Чадамба эрес-дидим чоруун көргүскени Тывага, бүгү Россияга билдингир.
Тыва Республиканың кадык камгалалынга онзагай ачы-хавыяазын киирген кижилерни шаңнаары-биле доктаадып тургускан “Буянныг чүрек” күрүне шаңналының 2021 чылда 1 миллион рубль шаңнал акшазы-биле Эргил Чадамбаны шаңнаан.
Шаңнал акшазының чамдыызы-биле кадыының байдалы берге уругларга чугула херек тускай аппараттарны Эргил Доржуевич саткаш, Чаа чыл бүдүүзүнде оларның бажыңнарынга чедип, аппараттарны аппарып берген. Алды харлыг Ангелина, дөрт харлыг Каролина, 10 харлыг Доржу оларга эмчиниң белекке берген аппараттары бажыңынга хүн бүрүде эмнениринге дыка ажыктыг.
Уругларның ада-иези, уруглар боттары ажыктыг аппараттарны белек кылдыр садып бергени дээш, эмчиге өөрүп четтиргенин илередип, Эргил Доржуевичиге буянныг ажылынга чедиишкиннерни, бодунга кадыкшылды аас-кежикти күзээннер.

Предыдущая запись
2022 чылдың бир дугаар опеязы кыс болган
Следующая запись
ХӨРЕК ДЕМДЭЭН ТЫВЫСКАН
Меню