Рубрикалар

ЭРЗИНЧИЛЕРНИҢ ӨӨРҮШКҮЗҮ

Эрзин кожуунда «Хензигбей» уруглар садынга 30 олуттуг немелде тудугнуң үрде манаан ажыдыышкыны болган. Ооң аңгыда 1956 чылда туттунган оран-саваның бодун база үндезини-биле септеп-селиир. Моон соңгаар школа назыны четпээн 50 ажыг уругларга таарымчалыг байдалдар тургустунган. Ажыглалга кирген чаа объект кожууннуң уругларынга немелде олуттарны тургузар.

Ооң ажыдыышкынынга Тываның Чазааның оралакчы даргазы Елена Хардикова киришкен. «Социал угланыышкынныг чаа-чаа объектилерлиг болган эрзинчилерниң өөрүшкүзүн үлежип тур мен. Шагда-ла ажыттынган уруглар садының оран-савазы үндезин септелгениң соонда чаартынып, чараш хевир кирген. Тываның Баштыңы В. Ховалыгның деткимчези-биле ам уруглар үш чаа шөлчүгешке ойнаарлар” — деп, Е. Хардикова демдеглээн.

Тываның Өөредилге яамызының дыңнадып турары-биле алырга, 1956 чылда туттунган «Хензигбей» уруглар сады баштайгы дээрезинде ийи оран-савалыг турган, эргижиреп-элээни-биле кайызын-даа айыылдыг деп санаан болгаш оларның үндезин септелгезин чорударының дугайында шиитпир хүлээп алдынган. Амгы үениң үлегер-майыын ёзугаар чоруттунган септелге соонда, маңаа бичии чаштарга көрдүнген бөлүктү ажыткан.

А. ХЕРТЕК белеткээн.

#Тываныңөөредилгеяамызы #Тудуглар #Эрзинкожуун #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
600 АЖЫГ ООЛ АЪТТАНЫПКАН
Следующая запись
УРУГЛАРНЫҢ КАДЫЫНЫҢ БАЙДАЛЫ ЭКИЖИП ЭГЕЛЭЭН
Меню