Рубрикалар

Күш-ажылдың шалыпчыларынга байырын чедирген

Чуртталга-коммунал ажыл-агый адырының ажылдакчыларының профессионал байырлалын чылдың-на март айның үшкү улуг-хүнүнде демдеглеп турар.Бо удаада аңаа тураскааткан байырлыг хемчег Орус культура төвүнге болуп эрткен.

Аңаа ук адырның шалыпчыларынга күрүне шаңналдарын ТР-ниң Чазак Даргазының оралакчызы Александр Брокерт тывыскан.

Хөй чылдарда үре-түңнелдига ажылы дээш РФ-тиң Тудуг болгаш чуртталга-коммунал ажыл-агый яамызының бедик шаңналынга “Водоканал-Сервис” КХН-ниң бухгалтери Наталья Бибаева төлептиг болган. Ол ышкаш ТР-ниң Чазак Даргазының болгаш ТР-ниң Дээди Хурлының Хүндүлел бижиктери, Өөрүп четтириишкининиң бижиктери болгаш өске-даа шаңналдарны ук адырның  95 шылгараан ажылдакчызынга тывыскан.

ТР-ниң Чазак Даргазы Владислав Ховалыг бодунуң телеграм каналынга  күш-ажылдың шалыпчыларынга байырын чедирген:

— Бистиң хоорай, суурларывыс арыг-силиг, бажыңнарывыс чырык, чылыг, долгандыр хүрээлеливис чаагайжыттынган,  таарымчалыг болзун дээш, эң-не буянныг хүлээлгени күүседип чоруур кижилерге четтиргенивисти бо хүн илеретпейн, кажан сөглээр бис. Силерниң күш –ажылыңар кижилерге чүгле өөрүшкүнү,  сеткил ханыышнынны, чылыгны, чырыкты, сөңнеп чоруур. Ынчангаш слерниң чымыштыг ажыл-ижиңер дээш чонувустуң өмүнээзинден четтигенивисти илередип тур мен.

Бйырлалыңар-биле, харыысалгалыг иштиң шалыпчылары!

Предыдущая запись
Авазының артист уруу
Следующая запись
Шериг оолдарывыс онча -менди чанып кээр болзун деп хамнар чалбарыг кылган
Меню