Рубрикалар

КҮЖҮГЕТ ШОЙГУНУҢ 100 ЧЫЛЫНГА

Билдингир күрүне ажылдакчызы, журналист, чогаалчы, төөгү шинчилекчизи Күжүгет Серээевич Шойгунуң төрүттүнгенинден бээр 100 чылдаанынга тураскааткан “Төлептиг ада, төлептиг фамилия” деп темалыг кичээлдер бүгү өөредилге албан черлеринге сентябрь 23-те эртер.

Кол сорулгазы — өзүп орар салгалдарга патриотчу кижизидилгени, кижизиг аажы-чаңны, үндезин төөгүзүнге даянган ёзу-чаңчылдарны болгаш хөй-ниитиниң үнелелдерин хажытпайн, ону сагып, Төрээн чурту дээш туржуп шыдаар кылдыр Күжүгет Шойгунуң күш-ажылчы намдарындан үлегерлээн тайылбыр ажылын чорудары.

Кичээлдер үезинде Күжүгет Шойгунуң өг-бүле архивинден чыгдынган чуруктар альбомунуң болгаш фильмнерниң таныштырылгазы болур.

“Төлептиг ада, төлептиг фамилия”деп темалыг кичээлдер Тыва Республиканың бичии чаштарының болгаш аныяк өскениниң кижизидилгезинге улуг салдарлыг болур дээрзин Тываның Эртем болгаш өөредилге яамызының сайтызында бижээн.

#Күжүгетшойгу #Төлептигада,төлептигфамилия #Кичээлдер #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
МЕРГЕН УГААННЫГ ӨГБЕВИС
Следующая запись
СОҢГУКЧУЛАРЫНГА ЧЕТТИРГЕНИН ИЛЕРЕТКЕН
Меню