Рубрикалар

КӨЖҮП ЧОРУУР ФАП-ТАР ЧОНГА ЭПТИГ

ТР-ниң кадык камгалал адырында 2021 чылдың база бир көскү болуушкуну – “Кадыкшыл” национал төлевилел-биле 18 көжүп чоруур ФАП-тарны алганы. Ол ФАП-тар дузазы-биле көдээ суурларның чурттакчыларынга дарый эмчи шинчилгезин болгаш диспансеризацияны эртип алырынга кончуг эптиг болуп турар.

Сагындырып каалы, бо чылдың сентябрьда 16 кожууннуң эмчи албан черлеринге “Газель” автомашинада бүрүнү-биле дериттинген көжүп чоруур ФАП-тарны хувааган турган. Чедери берге, ырак-узак Мөңгүн-Тайга болгаш Тере-Хөл кожууннарга “Садко” деп адаа бедик автомашинада дериттинген ФАП-тарны дамчыткан.

Бо ФАП-тарда гинекологтуң креслозу, организмде глюкозаның деңнелин хынаар херексел, деңзи болгаш, дурт-сын хынаар ростометр, тонометр, акушер эмчиниң херекселдеринден эгелээш, хол чуур раковинадан бээр, шупту херек чүүлдер-биле дериттинген.

ТР-ниң кадык камгалал сайыдының оралакчызы Марианна Куулар бо чаа ФАП-тар коронавирус болгаш сезон аайы-биле гриппке удур көдээ чонну калбаа-биле тарыырынга улуг дузалыг болганын демдеглээн.

Эрткен үш ай дургузунда бо ФАП-тар дузазы-биле 2448 көдээ чурттакчылар эмчи шинчилгезин эрткен.

К. МОНГУШ белеткээн.

#Кадыкшыл #Националтөлевилел #ФАП #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
Тываның Баштыңы байыр чедирген
Следующая запись
КЕЛДЕРЕДИЛГЕ САЛБЫРЫ АЖЫТТЫНГАН
Меню