Рубрикалар

“Кадыкшыл маршруду” кожууннарже үнүп эгелээн

Тываның Кадык камгалал яамызы “Кадыкшыл маршруду” деп губернатор төлевилелиниң боттанылгазын уламчылап турар. Ооң дузазы-биле чедери берге, эмчи специалистери чедишпес черлерде чоннуң кадыкшылының байдалын хынаар аргалыг болуп турар.

Бо удаада  эмчилер бригадазы Сүт-Хөл кожууннуң Ишкин, Алдан-Маадыр, Суг-Аксы суурларның чурттакчы чоннунга эмчи шинчилгезин эртирген. Оон аңгыда ол кожуунга кожүп чоруур чурагайлыг маммография биле флюрография комплекстери база ажылдаан.

Сагындырып каар чүүл, көжүп чоруур маммография биле ФГ-аппараттарны “Кадыкшыл” национал төлевилел ёзугаар бистиң регион алыр аргалыг болган.

“Кадыкшыл маршрудунуң” бо үнүүшкүнүнүң үезинде эмчилер Сүт-Хөл кожууннуң 440 чурттакчызынга эмчи шинчилгезин кылган: невролог эмчи-129, оториноларинголог – 102, терапев – 98, кардиолог – 111 кижини шинчээн. Көжүп чоруур ФГ-аппаратка -125, маммографияны- 188 кижи эрткен.

Эмчилер чоннуң кадыын шинчип турган үезинде, ханы эмнээшкин эртер ужурлуг азы эмчиниң шинчилгезин уламчылаар ужурлуг чурттакчыларга чүнү канчаарын, кандыг эмнелгеге баарын шуптузун айтып, арга-сүмезин каткан.

Дараазында “Кадыкшыл маршруду” март 23-25-ке чедир Өвүр кожуунга ажылдаар.

К. Монгуш белеткээн
#Маршрут_здоровья

Предыдущая запись
Тываның экономиказы шупту угланыышкыннарда туруштаарын элээн экижиткен
Следующая запись
Республиканың 1 дугаар эмнелгези ачы-дузаны чедирген
Меню