Рубрикалар

КЫЗЫЛ КОЖУУННУҢ ЧЕДИИШКИННЕРИ БОЛГАШ ЧЕТПЕС ЧҮҮЛДЕРИ

Каа-Хем суурнуң төвүнде орукту брусчатка-биле шып турарын тус черниң чурттакчылары каш айлар дургузунда эскерип келген. Ол чер келир үеде Шахтерлар аллеязы болур, ону Свободная кудумчузундан Таежная кудумчузунга чедир шөйүлдүр кылыр.

“Бо аллея Каа-Хем суурнуң чартыын дургаар шөйлүр. ТАР-ның 100 чылдаа­нында каа-хемчилерге онзагай белек болур-дур. Брусчатка-биле кылып турар бо чаа орукка өг-бүлелер ажы-төлү-биле агаарлап кылаштажырын бодаптарга өөрүнчүг-дүр. Чүгле ам ол аллеяны камнап, кадагалаар болгаш улаштыр чаартыры арткан” – деп, хөй-ниитижи Айдың Сарыглар бодунуң блогунда бижээн.

“Чаңгыс демниг Россия” партиязының деткимчези-биле боттанып турар төлевилелдерни хынаар партийжи үнүүшкүннер-биле А. Сарыглар Кызыл кожуунга четкен. Суурнуң хары угда элээн каш кудумчуларында капитал септелгелер чоруп турарын ол көргеш, аңаа таарзынганын бижээн “Чүгле төп кудумчуларны эвес, кыдыг черлерже база сагыш салып турары эки-дир. Чижээлээрге, Волнистая болгаш Щорс кудумчуларында тус черниң маршрут автобустары халдып турар. Оруктар септелгези – шупту чолаа­чыларга улуг белек-тир”.

Ындыг турбуже, кожуунда шупту байдал Каа-Хем суурда ышкаш онзагай эвес. Ылаңгыя Сукпак суурнуң Культура бажыңында байдалга чөгенип, таарзынмаанын бижээн. Ук клубтуң удуртулгазы оран-савазының септелгезинге акша-хөреңгини дилээрге, элээн каш сая түңнүг акша деткимчени көргүскен турган. “Бо черде амыдырал шапкын чоруп турар деп чүүл көзүлбес-тир. Чаңгыс ажылчынның арай деп ажылдап турары көстүр. Культура бажыңының удуртулгазы ажылындан хоорук болбазы күзенчиг. Ажыл-херекти салгаа көрүп, акша-хөреңгиге хамаан чок хамаарылгазы дээш тайылбырны негээр апаар. Сайгаржыр бис” – деп, ол дыңнаткан.

Ол ышкаш каш суурнуң кирер оруктарында тургускан стеллаларны хынап көрген. “Хоорай хүрээлеңи” партийжи төлевилелдиң ачызында тургустунган. “Ажылдың түңнелинге таарзындым. Эки программа-дыр, ол хоозун чүүл эвес, а езулуг ажыглап болур – олурар узун сандайларлыг сесерликтер, уруглар ойнаар шөлдер, чадаг-терге халдыр оруктар дээш өске-даа. Бистиң Тываның хоорай, суурлары боттарының төрээн черин экижидип алыр дээш бо программага киржири албан херек-тир” – деп, ол бодунуң блогунга бижээн.

#Чаңчысдемнигроссияпартиязы #Кызылкожуун #Каа_хемсуур #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
ХООРАЙНЫҢ АРЫГ-СИЛИИ — БИРГИ ЧЕРДЕ
Следующая запись
КӨЖҮП ЧОРУУР ФАП-ТАР ЧЕДИП КЕЛГЕН
Меню