Рубрикалар

Кызылдың каайлы постузунуң ажылдаар шактары өскерилген

Красноярскиниң каайлы черинде кирип турар Абаканның, Ачинскиниң, Зеленогорскиниң, Канскиниң, Красноярскиниң, Кызылдың, Лесосибирскиниң, Саяногорскиниң база Таймырның каайлы постулары ам 8.30-ден 17.30-ге чедир (понедельник – четверг) ажылдаар, пятницада 8.30-ден 16.30 шакка чедер. Дүштеки чапсар – 13.00-13.48 шакта.

Красноярск аэропортунуң каайлы постузу, Хандагайты, Шара-Сур база Цаган-Толгой ийи талалыг автомобиль эрттирилге пунктулары ооң мурнунда чуруму-биле хевээр ажылдаар.

Россияның Айыыл чок чорук албанының Тыва Республикада Кызыгаар эргелели Россия Федерациязының девискээринче чаа коронавирус халдавырын киирерин болдурбазы-биле, Россия Федерациязы биле Моолдуң кызыгаарын таварар автомобиль эрттилге пунктулары Россия Федерациязының Чазааның 2020 чылдың март 27-де № 763-р айтыышкынында http://www.consultant.ru/document/cons_doc_LAW_348748/ айытканы езугаар ажылдаар.

Амгы үеде күрүне кызыгаарын үстүнде айтыышкынында айыткан Россия Федерациязының хамаатыларның чамдык бөлүктери эртип болур. Россия Федерациязының Чазаа амгы кызыгаарлаашкыннарны ап кааптарын албан езузу-биле чарлаан соонда, чүгле ынчан Россия Федерациязы биле Моолдуң күрүне кызыгаарын эртер ооң мурнунда чурум кирер.

Красноярскиниң каайлы чери база Россияның Айыыл чок чорук албанының Тыва Республикада Кызыгаар эргелелиниң медээзи-биле

ТуваМедиаГрупп

Предыдущая запись
СҮҮЗҮННҮГ АЪШ-ЧЕМ-БИЛЕ ХАНДЫРГАН, А ИЗИГ-СООК СУГ ДАМЧЫДАР ЧЕРНИ АМ КЫЛЫР
Следующая запись
ЭЪТ ЧЕМНИӉ ВЕТЕРИНАРИЯ ДОКУМЕНТИЗИ
Меню