НАЦИОНАЛ ТӨЛЕВИЛЕЛДЕРНИҢ БОТТАНЫЛГАЗЫ

Тыва Республиканың Чазааның аппарат хуралынга 2021 чылда национал төлевилелдерниң боттанылгазының дугайында айтырыгны чугаалашкан. Бо талазы-биле илеткелди Тыва Республиканың Чазааның бирги оралакчы даргазы А.В. Брокерт кылган.

2020 чылда COVID-19-туң нептереп тарааны база социал-экономиктиг хөгжүлдениң чавызааны-биле Россия Федерацияның чазаа 2030 чылга чедир национал төлевилелдерниң ботттанылгазының хуусааларын узадырының дугайында шиитпирни хүлээп алган.

Национал төлевилелдерниң боттанылгазының кол-кол көргүзүглери болза, Россия Федерацияның чурттакчы чонунуң санының турум өзүлдези, чурттаар назынны 78 харга чедирери, күш-культура болгаш спорт-биле холбаалыг кижилерниң үлүүн 70 хуу чедир көвүдедири болгаш өске-даа айтырыглар-дыр.

Национал төлевилелдерни ботттандырарынга ниитизи-биле 4 264,2 сая рубльди угландырар, ооң иштинде: федералдыг бюджеттен – 4 138,6 сая, республика бюджединден – 125,6 сая рубль. Акшаландырыышкынның эң улуг хемчээли «Демография» национал төлевилелге онаажыр.

2021 чылда Тыва Республика чамдык чаа федералдыг төлевилелдерже база ажыл-хемчеглерже кирер аргалыг болган.

Шак ынчалдыр, республика «Экология» национал төлевилелдиң “Арыг чурт” деп федералдыг төлевилелинче кирген, аңаа дүүштүр 140,8 сая рубль ниити түңге Чеди-Хөл кожуунда «Тыва кобальт» комбинаттың артынчылар шыгжамырын рекультивастаарының талазы-биле ажылдар боттанып турар.

Комплекстиг тудугга көрдүнген чер участоктарын инженерлиг инфраструктура-биле хандырары-биле 1 030,5 сая рубльди ынаар углаар, ооң иштинде 2021 чылда 68,9 сая рубль түңнүг акша-хөреңгини “Мурнуу” микрорайонда 2-ги ээлчегниң инженер четкилериниң тудуунче чоргузар. 961,5 сая рубль түңнүг арткан акша-төгерикти 2023 – 2024 чылдарда Кызыл хоорайга арыглар дериглериниң тудуунче база чаартылгазынче углаары планнатынып турар.

«Делегей кооперациязы болгаш экспорт» национал төлевилелдиң иштинге черлерниң суггадынче угланган чаа хемчеглерни боттандырар деп турар. Бо сорулгаларга федералдыг бюджеттен 25,7 сая рубльди углаар. Амгы үеде Тыва Республиканың Көдээ ажыл-агый болгаш аъш-чем яамызы суггатчыдар деп турар черлерниң баштайгы документилерин катап тургузарының талазы-биле ажылдарны чорудуп турар.

#Аппаратхуралы #Националтөлевилел #Демография #Экология #Александрброкерт #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
ДӨРТ КОЖУУНДА ОНЗА БАЙДАЛДАР ТУРГУСТУНГАН
Следующая запись
СЕТКИЛИНИҢ ЧЫЛЫЫН ӨРГҮП ЧОРУУР
Меню