Айдана Ховалыг, тележурналист:
«Украин таланың Барыын чүк-биле чорудуп турары информастыг дайыны бужар чүдек-тир. Ютюб каналга мультфильмнер көрүп олура, база катап Россияга удур украин националистерниң күткүүшкүннүг сөзүглелдерин катап көргүзүп турары-биле ужуражып турар апардывыс. Ол дээрге мегелээр чоруктуң эң кудуку аргазы, ылаңгыя чаш уруг-дарыгны аңаа киириштирери.
Меге суртаал чорудар чоруктуң артында бир дугаарынга АКШ турар деп билир бис. Ооң Украинаның баштыңы Владимир Зеленскийни өжегээр алгап, мактап турары билдингир. Олар чеже-даа кызарга, Зеленский анаа-ла тус черниң олигархтарының деткимчези-биле эрге-чагыргага келген комик, хөй акша ажылдап алыр сорулгалыг дайын-чаа үндүрүп турар АКШ-тын эдискизиниң адаа-биле самнап турар кижи деп билир бис. Штаттар чүгле ындыг сорулгалыг бодунуң медээлеринде меге тезистерни ажыглап турар. Оларның нүгүлдүг суртаалында чаңгыс-даа дамды шын чок.
Бөгүнгү хүнде Украинаның чурттакчы чонун националистерниң халдаашкынындан камгалаар дээш бүгү-ле болдунар чогуур күжениишкиннерни кылып турар бистиң шериглерниң артында улуг шын».
#ZаМир #ZаНаших #своихнебросаем #шын
