Россияның даштыкы херектер аямызы Тывага даштыкының журналистеринге пресс-тур организастаарын сүмелээн.

Тываның Чазак Даргының албан-дужаалының хүлээлгезин күүседип турар Владислав Ховалыг Россияның даштыкы херектер аямызының Красноярск крайда төлээзиниң хүлээлгезин күүседип турар Артём Захаров-биле ажыл-агыйжы ужуражылганы кылган. Аңаа ийи тала кызыгаар черде турар республиканың чурттар аразының болгаш даштыкы экономиктиг харылзааларының дугайында чугааны чоруткан.

– Даштыкының журналистеринге пресс-турну чорудуп тура, Тываның инвестициялыг шыдалын “Енисей Сибири” төлевилелдиң аайы-биле таныштырар. Наадым байырлалының онзагай көрүштүүн, тускайлаңын  көргүспүшаан, «Аржаан-1» и «Аржаан-2» базырыктарны  Россияда ЮНЕСКО-нуң бүгү-делегейниң өнчүзү болур  объектилериниң даңзызынче киирер дугайында айтырыгны ажылдап кылыр болза эки деп,  Артём Алексеевич биске солун саналдарны киирди – деп, Владислав Ховалыг социал четкилерде бодунуң блогунга бижээн.

Ынчап кээрге, кызыгаар черде чыдар республикавыстың бот-тускайлаң амыдырлының дугайында бүгү делегей таныжып билип алыр аргалыг болур.

 

Мария Иванова ИА «ТуваМедиаГрупп» www.tmgnews.ru

#мид_россии #туризм #развитие #врио_главы_тувы #пресс_тур #журналисты #новоститувы #новоститывы #новостикызыл #кызыл #тувамедиагрупп #Тува #Тыва #Tuva #TMG #TMGNEWS #Tuvanews

Предыдущая запись
Доозукчуларның байырлыг хемчеглери арыг агаарга
Следующая запись
Аныяктарның санал-оналдарын чүүлдүгзүнген
Меню