Рубрикалар

Танцы-сам — чоннуң сеткили

Мөөрей

📢Танцы-сам — чоннуң сеткили

2022 чылдың апрель 22-де Сүт-Хөл кожууннуң Ак-Даш суурунуң көдээ культура одаанга Культурлуг өнчү чылынга тураскааткан «Танцы-сам – чоннуң сеткили» деп кожуун чергелиг мөөрей болуп эрткен.

Аңаа кожууннуң культура одагларында танцы бөлгүмүнде хаара туттунган школачылар, чогаадыкчы коллективтер кээп киришкен.

Кожууннуң культура эргелелиниң специализи Аяна Ондарның удуртулгазы-биле үш кижиден тургустунган жюри кежигүннери тиилекчилерни тодараткан.

Дээди Гран-при шаңналын Ишкин суурнуң Дыртык Монгуш аттыг көдээ культура одааның специализи Чинчи Монгуштуң удуртулгазы-биле «Чараш шимчээшкин» танцы-сам бөлүү чаалап алган.

Бирги черниң лауреады деп атка Ак-Даш культура одааның «Хээлер» танцы бөлүү төлептиг болган. «Хээлерниң» удуртукчузу Аяна Монгуш.

Алдан-Маадыр суурнуң Александр Ондар аттыг культура одаанда «Самбажык» танцы-сам бөлүү ийиги чергениң лауреады болган.

Мөөрейниң түңнелинде тергиин болган бөлүктерниң танцы-самын көрүкчүлерге бараалгаткан.

Бистиң корр.

Предыдущая запись
Школаларның капиталдыг септелгези – 2022
Следующая запись
Кымнар чаа пособиени алырыл?
Меню