Рубрикалар

ТУСКАЙ ПОЧТА ТАҢМАЗЫ

Тыва Арат Республиканың тургустунганындан бээр 100 чыл оюнга тураскааткан почта марказынга таңма салыр байырлыг ёзулал бөгүн Аныяктар өргээзинге болуп эрткен. Аңаа Тываның Баштыңының албан-хүлээлгезин түр үеде күүседип турар Владислав Ховалыг, Тыва Республиканың федералдыг почта албанының директору Владимир Ревенко, Национал музейниң директору Каадыр-оол Бичелдей киришкен.

Байырлыг хемчег бистиң республикавыстың төөгүзүн көргүзүп, алдаржытпышаан, марка чыыкчыларының коллекциязынче кирер почта үлетпүрүнде республиканың онзагай демдектери болур маркаларын, таңмаларын, карточкаларын болгаш болуушкуннарын демдеглээр ёзулалы болур.

Тускай таңмада Тыва Арат Республиканың 100 чылының демдээн чуруп көргүскен болгаш Кызыл хоорайның төп почта салбырының индекизин айыткан. Тускай таңма салган юбилейлиг почта карточкаларында Тыва АССР-ниң алдарлыг чурукчузу Григорий Суздальцевтиң чуруун салган. Оон ыңай ында «Ынакшыл-биле төрээн черимге болгаш чонумга!» деп бижээн.

Таңма салыр ёзулалдың соонда Кызыл хоорайның төп почта салбырынга 3 хонук дургузунда почта үлетпүрүнге күзелдиг кижилер сактыышкынның изин арттырып болур. 3 хонгаш Тыва Арат Республиканың 100 чыл оюнуң демдээ бар тускай почта таңмазын Санкт-Петербург хоорайда Төп харылзаа музейинче чортур.

#Националмузей #Почтатаңмазы #Төөгү #ТАР_ның100чылы #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
ИННОКЕНТИЙ САФЬЯНОВКА ТУРАСКААЛДЫ АЖЫТКАН
Следующая запись
БУЯН-БАДЫРГЫНЫҢ ТУРАСКААЛЫНГА…
Меню