Рубрикалар

«ТЫВАЭНЕРГОСБЫТ»-ТЫҢ ЧЕДИИШКИНИ

Тываның Баштыңының албан-хүлээлгезин түр үеде күүседип Владислав Ховалыг национал төлевилелдерниң, ылаңгыя ажыл-агыйның шынарынче болгаш үре-түңнелдиинче угланган “Күш-ажылдың бүдүрүкчүлүү болгаш ажылдап турар кижилерни деткиири” нацтөлевилелдиң боттандырылгазының ажыктыының дугайында социал четкилерде бодунуң арынында бижээн.

«Россияның Президентизи Владимир Путинниң идип үндүргени национал төлевилелдер Тывада чедиишкинниг боттанып турар. Ынчалза-даа “Күш-ажылдың бүдүрүкчүлүү болгаш ажылдап турар кижилерни деткиири” деп национал төлевилел каш чылдар дургузунда, боттуг чылдагааннар-биле бурунгаарлавайн келген.

Кажан мен, “Тываэнергосбыт” удуртукчузу албан-дужаалга ажылдап турган үемде, национал төлевилелдерге киржирин сүмелээрге, компанияның операция чорудар бөлүүнүң ажылынга чаартылга киирери негетиннип келгенин угаап билгеш, чөпшээрежипкен бис.

Салдынган сорулгалар белен эвес турган. Ындыг-даа бол, мээң кады ажылдап чораан коллегаларым ону чедип алганы дээш, бөгүн өөрүп чоруур мен. Ооң түңнелинде коллектив — үениң негелдезинден чыда калбаан, чедиишкинниг ажылдап турар.

Национал төлевилелдиң ачызында, операция чорудар бөлүкте специалистер артык ажылдар кылып, ажылдаар черинге орайга чедир олурбас болгаш хөй үе-шакты өг-бүлезинге, чоок кижилеринге чарыгдаарын чедип алган бис.

Оларның арга-дуржулгазын, Тываның экономиказының өске-даа адырларынга, ооң иштинде күрүнениң болгаш тус черниң эрге-чагырга органнарынга ажыглап болур дээрзинге бүзүрээр мен.

Эрге-дужаал эдилээн кижилер дөгейленчек, хожудаңгай угаанныг бюрократ-дүжүметтерже хуула бербээн, а чаа үениң технологияларын эки билир удуртукчулар болуру эргежок чугула.

Ажылдаан шактарның саны эвес, а ооң шынары база үре-түңнелдиг болуру, ол ышкаш бот-өөредилге, амгы үеде ажылдакчыларга анаа-ла бир арга-сүме эвес, а кол негелде дээрзин билип алыры чугула.

#Тываэнергосбыт #Владиславховалыг #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
ВЛАДИСЛАВ ХОВАЛЫГ БАРЫЫН-ХЕМЧИК КОЖУУНЧЕ АЖЫЛЧЫН ҮНҮҮШКҮННҮ КЫЛГАН
Следующая запись
Владислав Ховалыг Ак-Довурактың ЧЭТ-тиң кандыг байдалда ажылдап турарын көрген.
Меню