Рубрикалар

Тываның Баштыңы Владислав Ховалыг ковид аарыг улусту эмнээринге 43 млн рубльди тускайлаан

Республика Баштыңы Владислав Ховалыгның даалгазы езугаар, Тываның Кадык камгалал яамызы ковид аарыг кижилерни эмнээринге херек эмнер хандырылгазын хынап көрген. Эмнелгелерде база «Ресфармация» албан чериниң складтарында аарыг кижилер эмнээр эм-таңның курлавыры бир ай четпес, азы 19,4 млн. рубль түңге барын яамы дыңнаткан. Ооң-биле 1 муң хире аарыг кижини эмнеп болур. Оон аңгыда 48,8 млн рубль түңнүг эм курлавыры-биле амбулаторлуг эмнээшкиннерде кижилерни эмнээр. 10 муң хире аарыг кижилерни долузы-биле эмнээринге ол чедер ужурлуг. Ковидтээн аар аараан кижилер эмнээринге херек тоцилизумаб, олокизумаб, левилимаб деп эмнер чедишпезин эмчилер дыңнаткан. Бо эки дээштиг эмнер фармацевтика рыногунда чок дээрзин хандырыкчылар чугаалаан. Республикага 160 хап тоцилизумаб, 803 – олокизумаб, 1 286 – левилимаб херек. Тываның Баштыңы Владислав Ховалыг чазактың курлавыр фондузундан 43 млн рубльди эмнер садар кылдыр үндүрген. Пандемияның бешки чалгыы эгелээринге чедир регионда бир кварталда чедер ужурлуг чугула эмнерниң курлавырын мөөңнээнин сагындыраал.
Тываның Чазааның парлалга албаны
Предыдущая запись
ШАГАА АЙЫНЫҢ ЙӨРЭЭЛ НОМНАЛДАРЫ
Следующая запись
“ДУГЖУУБА” БОЛГАШ “СОР ЧАЛААР” ЁЗУЛАЛДАР ДОРТ ЭФИРДЕ
Меню